Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Actividade "ilegal"

Cesan a Cacharro da Fundación da que se erixira en patrón vitalicio

O actual goberno da Deputación de Lugo acúsao de modificar os estatutos "ilegalmente" e en plena transición de poderes.

Redacción - 19:35 14/04/2009

A Deputación de Lugo comunicou este martes a decisión do Padroado da Fundación do Centro Cinexético e Piscícola de Galicia de cesar os vogais do padroado desta institución Francisco Cacharro, José Carlos Andina, Javier Castroviejo Bolívar, Carlos Otero Muerza e o Secretario naquel momento, Faustino Martínez, elevados ao cargo logo das municipais de 2007 e xa co goberno en funcións. O propio presidente actual da Deputación, Xosé Ramón Gómez Besteiro, asume agora a dirección da Fundación.

Besteiro apuntou que o informe realizado sobre a actividade desta entidade creada no seu día por Cacharro atopa que os estatutos polos cales se rexía "eran ilegais", sendo modificados durante a transición de poderes na Deputación. A presunta ilegalidade permitía dispoñer de "patróns vitalicios" caso do propio Francisco Cacharro.

Auditoría en proceso
Na xornada do luns a Deputación avanzara xa a intención de realizar unha auditoría económica polo miúdo da situación financeira desta Fundación. O voceiro do grupo provincial socialista, Antonio Gato, explicou a intención do equipo de goberno de investigar o xeito en que esta entidade se mantén con recursos públicos, da propia Deputación e da Consellaría de Medio Ambiente, logo das "tres alarmas" advertidas, entre elas un embargo promovido pola Axencia Tributaria, a deforestación do terreo xestionado pola entidade e o propio abandono da Fundación.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: