Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
TORNEO BENÉFICO

Catro novas medallas para o taekwondo galego

Raúl Bouza logrou o ouro mentres que Fernando Rascado, Rebeca Mariño e José Fernández acadaron cadanseu bronce no aberto de México.

Redacción - 10:45 15/04/2009

A selección galega de taekwondo non deixa de acadar bos resultados, e neste caso foi a semana pasada durante a súa participación no aberto de México. Esta é unha competición que organiza o adestrador da selección mexicana Ireno Fargas, campión do mundo nos anos 80.

Malia que este torneo non conta co recoñecemento oficial das federacións de taekwondo, o certo é que nel participan algúns dos máis destacados loitadores do panorama mundial. Isto é así porque o torneo ten un carácter altruista, xa que é unha competición organizada para beneficio dunha asociación que colabora con persoas que sofren parálise cerebral.

Alí o mellor resultado acadouno o taekwondista do Olimpic de Vilagarcía Raúl Bouzas, que trouxo unha medalla de ouro. As outras tres medallas foron de bronce, e apañáronas Fernando Rascado, José Fernández e Rebeca Mariño. Estes resultados únense ao bo inicio de tempada que está vivindo o taekwondo galego, cos triunfos de Andrea Rica no aberto de Francia e o da selección no campionato estatal.

A vindeira cita internacional da selección galega será durante a última fin de semana de abril en Alicante, onde participarán no aberto de España.


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Raúl Bouzas en plena lea (clic para ampliar)
Raúl Bouzas en plena lea (clic para ampliar)
Equipo galego desprazado até México (clic para ampliar)
Equipo galego desprazado até México (clic para ampliar)
De esquerda a dereita José Fernández, Raúl Bouzas e Fernando Rascado
De esquerda a dereita José Fernández, Raúl Bouzas e Fernando Rascado