Vieiros

Efectivos do corpo de bombeiros acudiron esta cuarta feira a sufocar un lume nunha planeadora abandonada, e vinculada supostamente ao narcotráfico, nunha praia do municipio do Grove (O Salnés).

Os feitos sucederon contra as 6.50 horas na praia de Raeiro, na parroquia de San Vicente do Mar, segundo informou a Garda Civil de Pontevedra, a onde acudiu unha patrulla.

A planeadora, que estaba parte en terra e parte na auga, ten uns 12 metros de eslora e "entre catro e cinco motores", indicaron as mesmas fontes, que investigan a súa procedencia.

Cando foi alertado dos feitos, o 112 deu aviso a Salvamento Marítimo, ao Servizo de Gardacostas, aos Bombeiros de Ribadumia, ao Grumir do Grove e á Garda Civil.


Anteriores:

• Praia da Arnela, o paraíso dos narcos

• Empresas de Dorado construían clandestinamente narco-embarcacións

• A costa galega, desprotexida ante o narcotráfico

• As redes máis escuras da Costa da Morte: catro anos esperando por Garzón