Vieiros

Vieiros de meu Perfil


Edición xeral

RSS de Edición xeral
Toma de posesión

A conselleira de Facenda destaca o desafío da reforma do financiamento

Marta Fernández Curras, nova responsábel de Facenda, subliñou a reorientación" dos orzamentos da Xunta avanzada por Feijoo no seu discurso de investidura.

Redacción / Europa Press - 15:20 20/04/2009
Fernández Currás con Feijoo durante a súa toma de posesión (clic para ampliar)

Fernández Currás con Feijoo durante a súa toma de posesión (clic para ampliar)

A conselleira de Facenda, Marta Fernández Currás, asegurou este luns que "haberá que retocar e reorientar" o presuposto da Xunta que está en vigor, co fin de acomodalo á redución das consellerías, que pasan de trece a dez no novo organigrama, aínda que agoirou que a revisión será de "non moito".

Fernández Currás asegurou, en canto a unha posible redución de entes de administración paralela no seu departamento, que polo momento non está determinada e "estase a pechar a estrutura das consellarías". Entre os seus primeiros obxectivos, apuntou as negociacións para pechar o novo modelo de financiamento autonómico como "un gran reto" e dixo que a súa "idea" é "darlle cumprimento" ás metas fixadas polo novo Goberno e "poñer en valor" o presuposto.

En declaracións aos medios de comunicación tras o traspaso da carteira por parte do seu predecesor, o socialista Xosé Ramón Fernández Antonio, a conselleira mostrouse compracida de tomar o relevo á fronte da nova Consellería de Facenda e considerou "unha honra e unha responsabilidade" ocuparse deste área, que no novo organigrama se disgrega de Economía.

Marta Fernández Currás, que exerceu como interventora xeral durante dous anos co bipartito de socialistas e nacionalistas, precisamente ás ordes de Fernández Antonio, recordou que xa ocupou cargos dentro da administración e expresou que sente "honrada de servir a Galiza" nesta nova etapa na cal se fará cargo de executar a reforma fiscal avanzada por Alberto Núñez Feijoo, así como elaborar os presupostos e controlar o seu gasto baixo a premisa da austeridade.


1/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: