Vieiros

Vieiros de meu Perfil


Barcelona

Edición xestionada por Xabier Paradelo
RSS de Barcelona
SARGADELOS, 29 DE ABRIL, 20 H

Invisibles, a outra cara de Barcelona

Esther Taboada expón a súa visión dos esquecidos pola cidade.

Redacción Barcelona - 15:45 27/04/2009

A fotógrafa galega mestura fotografías con textos poéticos mergullándose na Barcelona "máis incómoda". Este proxecto xurde da inquedanza da autora por captar as imaxes de persoas e lugares excluídos e alleos á Barcelona do deseño, os esquecidos, para convertelos en protagonistas da súa exposición. Segundo Taboada "son os invisibles, espuma de batalla traballada con polución. Existen, pero cando a urbe mostra o seu último estertor, unicamente se percibe o silencio”.

A coruñesa Esther Taboada estudou Xornalismo en Santiago de Compostela e completa a súa formación en Finlandia e en Catalunya. Viviu dous anos en Irlanda, onde seguiu o conflito de Irlanda do Norte, e actualmente reside en Barcelona traballando de corresponde para La Voz de Galicia e de freelance para outros medios. Parte do seu traballo fotográfico pode verse no seu blog "El Páramo Naranja".

A mostra "Invisibles, a outra cara de Barcelona", que xa se expuxo en Compostela e en Palma de Mallorca, estará na Galería Sargadelos até o 30 de maio.

Mércores, 29 de abril de 2009, 20 h.

Inauguración da exposición fotográfica "Invisibles, a outra cara de Barcelona", de Esther Taboada.

Até o 30 de maio.

Galería Sargadelos Barcelona
Provença, 276
Tel.: 93 215 03 68
Horario: de 10.30 a 13.30 e de 16.30 a 20.30 h.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



"Moisés" (Cova de Montjuïc), foto de Esther Taboada (elparamonaranja.blogspot.com)
"Moisés" (Cova de Montjuïc), foto de Esther Taboada (elparamonaranja.blogspot.com)
"Mohamed", Esther Taboada,
"Mohamed", Esther Taboada,