Vieiros

Vieiros de meu Perfil


Edición xeral

RSS de Edición xeral
Críticas ás delegacións da Xunta

'Superdelegados' ou comisarios políticos a libraren "guerras internas"?

"Confusión entre partido e Xunta" e "contrapoder" a alcaldes e presidentes das deputacións. Tal é a valoración que o PSdeG fai dos cargos nomeados por Feijoo.

Redacción - 10:00 03/05/2009

"É a volta á peor política, a do control político e a confusión entre o partido e a Xunta por parte do Partido Popular", laiábanse este sábado o voceiro parlamentario do PSdeG, Xaquín Fernández Leiceaga, e o voceiro da área Institucional, Xosé Manuel Lage Tuñas, avaliando negativamente a reforma das delegacións territoriais da Xunta impulsada por Alberto Núñez Feijoo.

Os socialistas recordan que o papel das delegacións da Xunta é seren "útiles na axilización de trámites administrativos" e na redución de burocracia "co obxecto de mellorar o servizo aos cidadáns". Por este motivo, entenden que os nomeamentos confirmados no Consello da Xunta do pasado xoves son exemplo do "incumprimento flagrante" do presidente de "non facer partidismo desde a Xunta". Opinan os socialistas que Núñez Feijoo "utiliza estas novas figuras para librar guerras internas con algúns baróns provinciais do PP, e iso é a volta á peor política, a do control político e a confusión entre o Partido e a Xunta por parte do PP".


5/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: