Vieiros

Un informe divulgado esta semana polo Instituto de Segurança Pública (ISP), vinculado ao goberno do Rio de Janeiro, indica que 236 persoas foron feridas por balas perdidas no estado en 2008, e delas, 16 perderon a vida. Son menos que as danadas o ano pasado, que chegaron ás 279 vítimas e 12 mortes.

A maioría dos casos desenvolveuse na capital fluminense, en especial na zona norte da cidade. Do total dos homicidios violentos no Estado do Rio de Janeiro, os causados por balas perdidas supoñen o 0,4%. Os homes adultos están entre a maioría das vítimas (62,5%). Na maioría dos casos (75%), as persoas que foron atinxidas por balas perdidas non estaban nin perto dunha operación policial ou enfrontamento violento entre bandas.

Os datos recóllente nos rexistros da policía, mais pode haber casos que foran traspapelados, ou dos que non se soubese nada.