Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
E o catalán será lingua oficial

A UEFA recoñecerá a Montilla como autoridade na final da Liga de Campións

O Barça viaxa a Roma esta terza feira, para enfrontarse nunha final moi catalá ao Manchester United.

Redacción - 12:00 25/05/2009
Montilla a carón do presidente do Barça, Joan Laporta

Montilla a carón do presidente do Barça, Joan Laporta

A diferenza do que aconteceu en París no ano 2006 (Barça 2-Arsenal 1), na final da Liga de Campións da vindeira cuarta feira entre o Barça e o Manchester United, en Roma, o presidente da Generalitat, José Montilla, figurará na listaxe oficial de autoridades. Así, Montilla estará presidindo a partido xunto co rei español, Xoán Carlos de Borbón, e o presidente do goberno español, José Luis Rodríguez Zapatero.

A UEFA adoita recoñecer como autoridades só os xefes do Estado e do goberno. De feito, na final de 2006 en París, o naquela altura presidente do goberno catalán, Pasqual Maragall, tivo que sentar nunha das localidades reservadas polo clube. Porén, nesta ocasión o máis importante organismo europeo do fútbol accedeu a unha petición do Fútbol Club Barcelona para recoñecer o presidente da Generalitat como autoridade nacional.

Alén disto, o catalán tamén vai ser unha das linguas oficiais, xunto co inglés e o italiano, nesta final da Liga de Campións. As indicacións polos altofalantes do campo faranse tamén en catalán, e a conferencia de prensa posterior ao partido terá tradución de todas as intervencións a esta lingua. Ademais, toda a documentación da UEFA dirixida aos seguidores azul-grana estará tamén en catalán.

O Barça sairá esta terza feira cara Roma, onde adestrará no Estadio Olímpico, onde esta cuarta se disputará a final.


Ligazóns

5/5 (15 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: