Vieiros

Vieiros de meu Perfil


Edición xeral

RSS de Edición xeral
EN COMPOSTELA

Prenden unha traballadora da CIG á que acusan de falsificar documentación para favorecer inmigrantes

Catro inmigrantes que foron sorprendidos con facturas e tickéts declararon que a sindicalista facilitáballes estes papeis de balde.

Redacción - 19:00 27/05/2009
Laura Bugallo

Laura Bugallo

Na noite do martes, axentes da Policía española detiveron en Compostela a Laura Bugallo, traballadora da CIG-Migración. As forzas de seguridade apóñenlle un delito de falsificación documental para favorecer a estadía de inmigrantes. Segundo puida saber este xornal, a operación tivo lugar logo de que fosen detidos catro inmigrantes. Na súa declaración aseguraron que Bugallo era a persoa que lles tiña facilitado a documentación (principalmente facturas e tickets). Os catro aclararon que en ningún momento tiveron que pagar nada polos papeis que supostamente lles proporcionaba a sindicalista.

Nun comunicado feito público na web de Movemento pola Base (organización política á que pertence Bugallo) aseguran que os axentes policiais rexistraron nas últimas horas a súa oficina laboral e o seu domicilio, onde incautaron documentación e levaron un computador. No mesmo, sosteñen que o único delito da detida é “apoiar en todo momento ás persoas inmigrantes”.

Laura Bugallo permanecía, á hora de redactar esta información, en dependencias policiais. Para as 20.30 horas deste mércores estaba prevista unha concentración de apoio á detida na praza do Toural.


4,82/5 (22 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: