Vieiros

Vieiros de meu Perfil


Edición xeral

RSS de Edición xeral
Mandadas cando o sistema colapsou

O Avión de Air France enviou 24 mensaxes de erro antes de desaparecer

O exército francés ha enviar un seu submarino na procura da aeronave, despois de que a quinta feira aparecesen uns restos que non lle pertencían.

Redacción - 13:20 06/06/2009
Na quinta feira apareceron no Atlántico uns restos que resultaron non ser do avión de Air France

Na quinta feira apareceron no Atlántico uns restos que resultaron non ser do avión de Air France

O avión de Air France que desapareceu a pasada segunda feira no medio do Atlántico, enviou 24 mensaxes de erro nos seus sistemas antes de deixar de dar sinais, segundo indican especialistas franceses.

Segundo Alain Bouillard, que está á fronte do grupo francés de investigación e análise do accidente, as mensaxes foron enviadas á medida que os sistemas do avión ían ficando damnificados, un por un, incluíndo o piloto automático. Os sinais enviáronse nos catro minutos previos a que o Airbus 330-200 da compañía Air France, saíse da zona de localización do radar do Rio de Janeiro.

Aínda que de momento non se poden estabelecer as causas destas anomalías, os investigadores indicaron que o día do accidente, as condicións meteorolóxicas non eran "particularmente excepcionais", é dicir, que é pouco probábel que o avión fose danado por unha treboada, como nun primeiro momento foi indicado.

O voo AF 447, da compañía Air France, despegou do Rio de Janeiro ás 19h00 do pasado 31 de maio (ás 00h00, hora galega), e desapareceu dos radares brasileiros tres horas e media despois, con 228 pasaxeiros a bordo. Dende aquela, as autoridades franceses e brasileiras procuran a aeronave, que se cree está afundida nalgún punto do Atlántico. A pasada quinta feira atopáronse uns restos, mais non pertencían ao avión sinistrado. Francia indicou, esta sexta feira, que vai enviar un submarino nuclear do seu exército na procura do avión.


3/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: