Vieiros

Vieiros de meu Perfil


Edición xeral

RSS de Edición xeral
Licenzas

A Xunta xustifica o contrato con Microsoft como forma de "regularizar" o deixado polo bipartito

A secretaria xeral de Modernización e Innovación Tecnolóxica, María do Mar Pereira prometeu que o Goberno tamén vai empregar software libre.

Redacción - 09:00 26/06/2009

A secretaria xeral de Modernización e Innovación Tecnolóxica, María do Mar Pereira, argumentou esta quinta feira que o contrato asinado coa multinacional Microsoft constituíu a "solución inmediata" a unha conxuntura "herdada" do anterior Goberno, que iniciara esta contratación, e explicou que foi a "forma de regularizar" esa situación.

En resposta na Comisión 1ª á nacionalista Ana Luísa Bouza, Pereira explicou que o bipartito iniciara este contrato de subministración e dende o xuño de 2008 non se contratou o uso de licenzas. Así, tratouse dunha "regularización da situación contractual", indicou.

Con todo, comprometeuse a que a Xunta potencie o software libre con "estándares abertos entre todas as Administracións públicas", e sinalou que se vai fomentar dende o Goberno o uso e repartición desta tecnoloxía, "en especial a realizada con fondos públicos".


1/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: