Vieiros

O secretario xeral do Consello de Europa, Terry Davis, avogou o pasado martes por unha saída dialogada ao conflito curdo en Turquía. O máximo representante da institución europea, da que Ankara é membro, sinalou os conflitos en Irlanda do Norte e no País Vasco como exemplo de negociacións entre Estado e representantes independentistas.

Davis, preguntado por un xornalista turco se estaba a defender o diálogo co PKK, respondeu que isto "non sería lóxico", xa que a organización está considerada como un grupo terrorista pola UE, aínda que recordou a existencia doutros interlocutores do movemento arredista curdo.

É o caso do Partido da Sociedade Democrática (DTP), a única formación nacionalista con presenza no Parlamento turco, a que o primeiro ministro Recep Tayyip Erdogan se nega a recibir. O DTP reuniuse esta cuarta feira con embaixadores dos Estados europeos en Ankara para lles solicitar que "todas as partes fagas bo uso" do cesamento do fogo declarado polo PKK.