Vieiros

Vieiros de meu Perfil


Edición xeral

RSS de Edición xeral
Conflito laboral

CCOO decide este luns se se suma a UXT e desconvoca temporalmente a folga no sector do metal

Fanse 25 días de folga, mais dende o venres a unidade sindical está rota. Mentres, nin mediadores nin patronal volveron facer unha outra oferta.

Redacción - 09:00 06/07/2009
No venres, Antolín Alcántara, da CIG, falando na asemblea dos traballadores / Imaxe: CIG

No venres, Antolín Alcántara, da CIG, falando na asemblea dos traballadores / Imaxe: CIG

Os delegados de CCOO decidirán esta segunda feira nunha asemblea, que está previsto comece ás 09h00, se apoian a desconvocatoria temporal da folga do sector metalúrxico da provincia de Pontevedra -iniciada de forma indefinida fai case un mes-, sumándose así a UXT, que o pasado mércores xa se desmarcou do paro.

Pola súa banda, a CIG aprazará a súa decisión até coñecer o resultado desa asemblea, e desenvolverá asembleas tamén nos centros de traballo para analizar a situación do conflito, en función da postura que adopte CCOO. Neste sentido, o responsábel de Negociación Colectiva do sindicato nacionalista, Antolín Alcántara, lembrou que, xuntos, CCOO e UXT teñen a maioría da representación no sector, polo que se ámbolos dous sindicatos defenden unha "tregua" no conflito, a folga podería ter "problemas de legalidade" no caso de que fose defendida só pola CIG, ao ser presentada a convocatoria no seu día polas tres centrais.

No entanto, os responsábeis sindicais manifestáronse publicamente a favor de recuperar a unidade de acción, unha vez pasada esa tregua temporal, porque a negociación do convenio colectivo segue sen chegar aínda a unha solución. Así, dende que o pasado 30 de xuño os sindicatos lle expuxesen aos mediadores da Administración o rexeitamento á súa proposta de incremento salarial, non volveu a reunirse a mesa negociadora.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: