Vieiros

Vieiros de meu Perfil


Edición xeral

RSS de Edición xeral
Parlamento Europeo

Sector lácteo: O BNG critica a "falta de ideas" da Xunta e do PP en Bruxelas

A representante nacionalista e futura eurodeputada, Ana Miranda, avanzou en conferencia de prensa os seus obxectivos para esta lexislatura.

Redacción - 12:35 17/07/2009
Ana Miranda, ao comezo da campaña

Ana Miranda, ao comezo da campaña

A representante do BNG no Parlamento Europeo e futura eurodeputada, Ana Miranda, anunciou en conferencia de prensa que a súa primeira iniciativa será instar á Comisión Europea a que conceda axudas directas ao sector lácteo galego.

"Cómpre estabelecer un novo statu quo para o sector lácteo galego en Europa. É preciso que se reduzan as cotas dos Estados excedentarios e que se incremente a dos deficitarios, o español entre estes", alegou. O BNG, dixo, reclamará tamén que se estabeleza "un prezo de referencia en orixe".

Ademais, Miranda criticou a Xunta por "non presentar nin unha soa proposta ante a Comisión sobre a situación do sector lácteo", e destacou que "ningún eurodeputado galego do PP estivo o outro día cos gandeiros do noso país que se achegaron a Bruxelas". "Nós, desde logo, si que estivemos porque sempre estamos na defensa do país", engadiu.

Lexislatura especialmente relevante

Por outra banda, explicou que grazas ao acordo interno da coalición Europa dos Pobos, o BNG vai ter xa capacidade de rexistrar iniciativas nas comisións de Agricultura, Pesca, Transporte, Política Rexional, Peticións, Cultura, Economía, Comisión especial sobre a crise económica, Mulleres, Medio Ambiente e na Delegación Interparlamentaria sobre Mercosur.

"Vou ser a voz e o voto de Galiza en Europa. Imos ter escano durante case ano e medio (dende finais de 2011), pero desde logo o traballo do BNG en Europa vaise prolongar durante os cinco anos da lexislatura", declarou Ana Miranda.

Ao respecto, sinalou que esta lexislatura é especialmente relevante porque se van someter a revisión as políticas agraria e pesqueira común e vaise revisar tamén todas as leis sobre os fondos estruturais. "Felizmente para o país, Galiza, a través do BNG, estará presente no debate", concluíu.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: