Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Convocada por Galiza Nova

Unha concentración de repulsa recibirá o embaixador de Israel

Convidado pola Asociación de Amizade con Israel, Raphael Schutz participa esta semana en dúas charlas-coloquio na Coruña e en Vigo.

Redacción - 11:00 22/07/2009

O embaixador israelí no Estado Español, Raphael Schutz, participa este mércores na Coruña nunha charla-coloquio organizada pola Asociación Galega de Amizade con Israel (AGAI) que leva por título "Israel: O Medio Oriente". Será a partir das 20.00 horas no Club Financeiro da cidade.

O acto será presentado por Júlio Bejar, socio de AGAI e escritor, e por Francisco Linares, tamén socio da Asociación Galega de Amizade con Israel e do Club Financeiro Atlántico.

Á mesma hora, fronte ao local social, desenvolverase unha concentración de repulsa ao Estado de Israel que convoca a organización xuvenil do BNG, Galiza Nova, e que secunda entre outros colectivos, Galiza por Palestina (GxP).

A charla-coloquio repetirase este xoves en Vigo, tamén coa presenza de Schutz, que estará acompañado polo ex alcalde da cidade, ex senador e ex eurodeputado do Partido Popular, Manuel Pérez, e polo presidente de AGAI, Pedro Gómez-Valadés. Será no Pazo Los Escudos, a partir das 20.00 horas.


4,53/5 (17 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: