Vieiros

Vieiros de meu Perfil


Edición xeral

RSS de Edición xeral
LOGO DA REVOCACIÓN DO PROCESAMENTO

A familia de Xosé Couso manterá a súa loita xudicial

Recordan que o caso da morte do cámara aínda non está pechado e anuncian que recorrerán en amparo ao Tribunal Constitucional.

Redacción - 18:00 22/07/2009
A familia do cámara asasinado asegura que esgotará todos os recursos legais

A familia do cámara asasinado asegura que esgotará todos os recursos legais

Logo de que un auto da Sala do Penal da Audiencia Nacional ordenase a conclusión inmediata do sumario, a familia do cámara asasinado en Iraq insiste a través dun comunicado que o caso "non está pechado". O xuíz, unha vez ditada a resolución, deberá elevar os autos á Sala do Penal, quen decidirá ou ben a apertura do xuízo oral ou ben o sobresemento do atuado. Así, informan que recorrerán ante o Tribunal Constitucional.

A familia Couso Permuy subliña, nos cinco puntos do seu escrito, que "nin hai arquivo definitivo, nin se acabou aínda a vía xudicial no Estado Español", e aseguran que manterán a súa "vontade de seguir a batalla xudicial". Asemade, denuncia "a actuación obstrucionista da Fiscalía e de algúns maxistrados que só buscan bloquear a investigación da morte do xornalista, na que hai indicios claros dunha vulneración do Dereito Internacional Humanitario, que suporían de feito un crime de guerra".

Os familiares do cámara galego entenden que "esta actitude propicia a impunidade de determinados militares segundo sexa a súa nacionalidade" e recordan que "con impunidade non pode existir a verdadeira xustiza". Finalmente conclúen afirmando que "a loita pola Xustiza e contra a impunidade segue viva".


Ligazóns

5/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: