Vieiros

Vieiros de meu Perfil


Edición xeral

RSS de Edición xeral
A Universidade pública, sen cartos

Os reitores ábrenlle as portas á "austeridade" de Feijoo

Asumen sen obxeccións e con resignación que o ensino superior no noso país seguirá, como até agora, sen fondos.

Redacción - 11:00 23/07/2009
Xuntanza de Feijoo e do conselleiro de Educación cos representantes das tres universidades

Xuntanza de Feijoo e do conselleiro de Educación cos representantes das tres universidades

Os reitores das tres universidades do país reuníronse este mércores co presidente da Xunta, que lles agradeceu a súa "receptividade" e "espírito de colaboración". Na xuntanza, a primeira desde que Alberto Núñez Feijoo accedeu ao cargo, tamén participou o conselleiro de Educación e Ordenación Universitaria, Xesús Vázquez.

Este último asegurou que a Xunta recoñece "o esforzo" da institución universitaria nesta "época de crise", e asegurou que "se fará todo o esforzo posíbel" no novo modelo aínda que, por agora, "non hai prazos" para a súa elaboración.

O máximo representante da Universidade de Santiago (USC), Senén Barro, admitiu que o novo sistema de financiamento universitario se verá afectado pola "austeridade" e terá que ser "solidario" co contexto económico, polo que avogou por deixalo para o curso 2010-2011.

O reitor da Universidade da Coruña (UDC), Xosé María Barja, coincidiu con Barro. "A situación é complicada e temos uns coeficientes aos que hai que axustarse, pero as universidades sempre fomos capaces de facer moitos sacrificios", afirmou, e engadiu que "se vemos que hai un apoio, somos capaces de afrontar o reto".

Ademais, Barja advertiu de que, conforme avance a implantación do Espazo Europeo de Educación Superior (EEES, máis coñecido como Plan Boloña), "serán necesarios máis recursos", para o que haberá que saber "por onde se terá que apertar o cinto" a universidade.

"Os tempos cambian"

Feijoo comprometeuse a se volver reunir cos tres reitores en outono para desenvolver o plan de traballo marcado na reunión desta tarde, do que non se deron a coñecer nin prazos nin cifras. Neste senso, o conselleiro de Educación dixo que "é moi pronto para falar de fondos", e advertiu de que "será necesario mudar as formulacións" do sistema xa que "os tempos tamén cambian".


3.67/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: