Vieiros

Vieiros de meu Perfil


Euskadi

Edición xestionada por Vieiros
RSS de Euskadi
PLURILINGÜISMO

O éuscaro deixa de ser a lingua vehicular do ensino en Euskadi

A consellaría vasca de Educación derroga a parte do decreto de educación infantil na que se fixaba esta lingua como a principal nesta etapa educativa.

Redacción - 11:35 23/07/2009
Anuncio para a aprendizaxe do euskera / Foto: nonbait.com

Anuncio para a aprendizaxe do euskera / Foto: nonbait.com

Como en Galiza, en Euskadi a cuestión lingüística está a xerar unha importante tormenta política. O Boletín Oficial (Euskal Herriko Agintaritzaren Aldizkaria) recolle unha orde da Consellaría de Educación na que suspende o apartado na normativa aprobada polo anterior goberno que estabelecía o éuscaro como principal lingua vehicular no ámbito escolar.

A modificación do decreto prodúcese logo de que se fixese público un auto da Sala do Contencioso Administrativo do Tribunal Superior de Xustiza de Euskadi que suspendía de xeito cautelar o contido dos artigos dos decretos de Educación Infantil e Bacharelato que estabelecían o éuscaro como a principal lingua no ensino. Esta decisión tomouse a instancias de dous recursos presentados pola organización Plataforma pola Liberdade de Elección Lingüística, unha asociación de pais que reúne a unhas dúas mil familias.

Bilingüismo harmónico
Os devanditos decretos foran aprobados a finais da pasada lexislatura polo anterior goberno, cando Educación estaba en mans de Eusko Alkartasuna (EA). Agora, a orde recollida no Boletín Oficial modifica a normativa e suspende o inciso no que se indicaba que "o éuscaro será a principal lingua vehicular no ámbito escolar". Así as cousas, a actual conselleira de Educación, Isabel Celaá, xa manifestou que o seu departamento seguirá adiante cos traballos de modificación dos decretos curriculares.

Ademais, o goberno manifestou o seu compromiso coa convivencia harmónica das dúas linguas oficial de Euskadi", e adiantou que a política educativa e lingüística promoverá un "bilingüismo integrador".


2/5 (8 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



O goberno vasco asegura que promoverá un "bilingüismo integrador"
O goberno vasco asegura que promoverá un "bilingüismo integrador"
A Plataforma pola Liberdade de Elección Lingüística presentou un recurso contra o decreto aprobado por EA
A Plataforma pola Liberdade de Elección Lingüística presentou un recurso contra o decreto aprobado por EA