Vieiros

Vieiros de meu Perfil


Edición xeral

RSS de Edición xeral
"Servizos prestados"

Atribúenlle a Industria a asignación de fondos do Igape a "redes clientelares"

O deputado socialista Abel Losada denuncia as subvencións a colectivos empresariais "sen papel directo na economía produtiva".

Redacción - 13:25 28/07/2009
O conselleiro de Industria, Xavier Guerra (na imaxe) é obxecto das críticas polo funcionamento do Igape

O conselleiro de Industria, Xavier Guerra (na imaxe) é obxecto das críticas polo funcionamento do Igape

"Usan os instrumentos de financiamento para apoiar e defender os de sempre: asociacións empresariais, clubes financeiros, etc...", laiábase este martes este martes Abel Losada, voceiro en materia de Economía, Industria e Innovación do grupo parlamentario do PSdeG. Na opinión de Losada, na práctica a Consellaría de Economía e Industria estaría empregando axudas do Instituto Galego de Promoción Económica (Igape) para "consolidar redes clientelares". Expón o deputado socialista que estes cartos estarían sendo empregados polo PP para "agradecer servizos prestados" a organizacións empresariais "que non xogan un papel directo na economía produtiva".

"Continúan en termos reais limitándose a discursos para a galería, sen novidades e mantendo as liñas de apoio postas en marcha polo anterior Goberno", analiza o voceiro do PsdeG. Deste xeito os socialistas reclaman a través dunha pregunta parlamentaria que a consellaría explique a redución de axudas do Igape para novos investimentos empresariais e os criterios aplicados para o financiamento de proxectos. Defende Abel Losada que o bipartito conseguira encarreirar o Igape como elemento central no apoio financeiro a "proxectos empresariais viábeis". Ao respecto, subliñando o incremento do indicador de confianza empresarial en Galiza desde comezos de 2009, considera "sorprendentes" as afirmacións do conselleiro, Xavier Guerra, ao respecto da diminución de solicitudes de proxectos de investimento.


4.5/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: