Vieiros

Vieiros de meu Perfil


Máis Alá

Xestionado por Vieiros
RSS de Máis Alá
'A memoria do mar'

Rostros, fasquías e paisaxes: o mar mirado

O Museo do Mar edita tres libros coas mellores imaxes da exitosa exposición que percorre o país.

Redacción - 10:30 16/08/2009

Os rostros do mar son todas aquelas fotos nas que aparece a xente en primeiro plano, persoas que dalgunha forma gardan relación co mar, os oficios, a xente do porto ou simplemente reunións de familiares e amigos nas vilas mariñeiras. As fasquias do Mar inclúe imaxes de todo tipo de embarcacións, tipoloxías e categorías feitas ó longo do litoral galego, dende lanchas xeiteiras, dornas ou bucetas hasta os grandes pesqueiros que partían cara o Gran sol. As paisaxes da Memoria amosa diferentes vistas das rías, bahías, enseadas, portos e instantáneas feitas cun gran ángulo de visión, que ofrecen unhas panorámicas excepcionais.

Velaí o que podemos atopar na exposición A memoria do Mar, que viaxa polo país desde o pasado mes de febreiro e continúa a xuntar unha gran base de datos de fotografías persoais de centos de mariñeiros e as súas familias, espalladas por todo o litoral galego. Recolléronse xa 4 milleiros de imaxes doadas por máis de 200 persoas en 25 localidades costeiras diferentes. As imaxes achegadas polas familias son escaneadas e posteriormente devoltas cunha copia dixitalizada como agasallo. Na web pode consultarse unha ampla mostra. A exposición divídese en tres grupos: Cos pés no mar, Do areal ao peirao e O Mar Mirado.

O Museo do Mar de Galicia edita agora tres libros coas mellores fotografías da exposición. Cada un dos volumes contén 60 imaxes, todas elas en branco e negro. O traballo, que foi dixitalizado e tratado polo fotógrafo Enrique Touriño, xa estivo hai uns días en A Guarda e en Boiro.


4/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: