Vieiros

Vieiros de meu Perfil


Edición xeral

RSS de Edición xeral
Modificacións nos límites

O cambio climático móvelle o marco á fronteira da UE con Suíza

O desxeo obriga a mudar as estremas xeográficas entre Italia e Suíza, estabelecidas por última vez hai setenta anos.

Redacción - 10:30 20/08/2009

Desde mediados do século XIX a superficie cuberta por glaciares na Europa occidental minguou arredor do 40% e reduciuse nunha porcentaxe aínda maior o propio volume dos glaciares actuais. Segundo algunhas previsións científicas, na metade do século actual podería non quedar glaciar ningún na zona dos Alpes.

"Cando a fronteira coincide coa cabeza dun glaciar, debe seguir os cambios progresivos da liña natural da súa cabeceira e no caso de que se derrita ao completo, a liña fronteiriza debera coincidir coa altura da terra na cima da roca que emerxa". Así o subliña o documento oficial publicado na web do Departamento Suízo de Exteriores ao respecto deste asunto.

Baseado nestes argumentos, a Oficina Topográfica do goberno suízo recolleu os datos que avalan o texto aprobado esta semana no Parlamento, movendo en 150 metros a fronteira do país con Italia en varias zonas.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: