Vieiros

Vieiros de meu Perfil


Edición xeral

RSS de Edición xeral
BANCA GALEGA

O Banco Etchevarría logra un beneficio de 1,87 millóns no primeiro semestre

A entidade nacida en Betanzos hai case catro séculos e especializada en banca personalizada aumenta un 3% os seus rendementos.

Redacción - 12:04 31/08/2009

O banco máis antigo do Estado Español, é galego, máis concretamente de Betanzos. Neste municipio naceu en 1717 o Banco Etchevarría, fundado polo vasco-francés, Juan Etcheverry. Dende entón, a entidade financeira permaneceu maioritariamente en mans dos seus descendentes.

Dedicado en boa parte á banca personalizada, en plena crise, a entidade vén de dar a coñecer uns resultados que se salta cun beneficio neto de 1,87 millóns de euros nos primeiros seis meses do ano, o que supón un incremento dun 3% con respecto ao mesmo período de 2008.

A entidade familiar tamén está participada pola Corporación Caixa Galicia que hai sete anos mercou por algo máis de 13 millóns de euros o 37,12% do accionariado. Na actualidade conta con 27 oficinas en Galiza (19 delas na provincia da Coruña) e outras cinco fóra do noso país (catro en Madrid e unha en Valladolid).


4.2/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: