Vieiros

Vieiros de meu Perfil


Edición xeral

RSS de Edición xeral
Negociación

Zapatero propón ampliar dous meses a axuda dos 420 euros

Os sindicatos consideran insuficiente a proposta, que beneficiaría as persoas desempregadas que quedasen sen subsidio a partir do 1 de xuño.

Redacción / EP - 10:10 01/09/2009

O goberno español e os principais sindicatos remataron pouco antes da medianoite do luns unha xuntanza para debater a posíbel ampliación da axuda de 420 euros ás persoas paradas que esgotasen as súas prestacións e subsidios e non conten con ingresos abondos.

A proposta do executivo foi ampliarlles a axuda ás persoas que ficasen sen recursos o 1 de xuño, o que suporía aumentar en dous meses a proposta inicial. Porén, CCOO e UGT cualificaron a medida de "insuficiente".

O Ministerio de Traballo aceptou revisar os termos da axuda de 420 euros, obxecto de polémica dende a súa posta en marcha o 17 de agosto porque non beneficiaría todos os parados na mesma situación, senón só os que esgotasen os subsidios despois do primeiro de agosto.

Segundo fontes do Ministerio en declaracións a Europa Press, o goberno español faralles extensiva a mesma proposta aos grupos parlamentarios este martes.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: