Vieiros

Vieiros de meu Perfil


Edición xeral

RSS de Edición xeral
Volta ao cole

Cativos de Boimorto e de Cervantes fican na casa pola redución de profesorado

Os pais protestaron con anterioridade en varias ocasións, mais fontes da Consellaría de Educación afirman que descoñecen os casos.

Redacción - 12:15 10/09/2009
A Xunta suprimiu varios postos

A Xunta suprimiu varios postos

Unha vintena de pais de alumnos de educación infantil do colexio de Boimorto (Arzúa) decidiu non enviar esta quinta feira aos seus fillos ás aulas e convocar unha manifestación pola supresión da docencia de dúas profesoras dese nivel.

"A Xunta está facendo aforro á conta da educación dos nosos fillos", denunciaron desde a Asociación de Nais e Pais de Alumnos do centro. Pola súa banda, fontes da Consellaría de Educación afirmaron que descoñecían o caso.

Ademais, o centro escolar de Boimorto tampouco contará este curso cun docente de audición e linguaxe, que atende clases de primaria e secundaria, nin con outro de educación especial.

Os pais afectados entregarán na Xunta un escrito para reclamar que se atendan as necesidades dos seus fillos, aínda que xa o fixeron o pasado 3 de agosto mais non obtiveron ningún resultado.

Colexios dos Ancares e do Courel

Tampouco os 20 alumnos do colexio A Ponte de Doiras, en Cervantes, puideron comezar o curso escolar como o resto de cativos do país. No seu lugar, achegáronse deica o centro os seus pais para protestaren pola supresión dun profesor de educación infantil.

Esta cuarta feira, oito directores doutros tantos centros educativos das comarcas dos Ancares e do Courel, onde está emprazado o A Ponte de Doiras, fixeron público un comunicado en que reclaman que cuestións como número de alumnos, nivel, ciclo ou etapa non sexan o único argumento para dotar de recursos os colexios desta zona.


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: