Vieiros

Vieiros de meu Perfil


Edición xeral

RSS de Edición xeral
Liberdade de expresión

Mostras de apoio á xornalista de Gzvideos, á que piden 300 euros

Diversos colectivos amparan o labor do colectivo e da veterana reporteira, xulgada esta quinta feira nun 'anecdótico' proceso.

Redacción - 19:00 17/09/2009

300 euros, 10 euros diarios durante 30 días. Esa é a cantidade da multa que a Fiscalía solicita para a xornalista Zélia Garcia acusada -"falsamente", segundo a defensa- de berrar, nun acto organizado polo colectivo Ceivar o 24 de xullo de 2008, 'policía asasina', 'torturadores' e 'ETA mátaos'.

Vinte persoas concentráronse en solidariedade coa acusada, colaboradora de Gzvideos, no exterior do xulgado onde se desenvolveu o xuízo, esta quinta feira en Compostela. Un xuízo caracterizado por varias 'anécdotas'.

O xuíz, Francisco Javier Míguez Poza, increpou o avogado de Zélia Garcia por non vestir gravata. Ademais, o axente que deu testemuña en contra da xornalista alegou que "non entendía o galego", polo que a defensa solicitou un servizo de tradución. Finalmente non fixo falta a súa utilización, xa que o maxistrado se ofreceu a traducir as palabras para o policía.

O proceso desenvolveuse malia que entre a falta e a vista pasaron máis de seis meses. Por iso, o avogado da acusada argumentou que debería ser anulado xa que este feito implicaba a súa prescrición. No entanto, o xuíz desestimou esta alegación.

Dúas xornalistas presentes no seu dia no lugar dos feitos declararon que a presenza de Zélia Garcia "se limitou a recoller testemuña audiovisual" do que aconteceu no acto de Ceivar" (unha cadea humana en apoio aos presos independentistas), sen que esta participase como manifestante, e achegaron documentos gráficos.

Profesionalidade contrastada

Ademais da concentración no exterior do xulgado, a xornalista -veterana na información puntual e rigorosa de numerosas manifestacións e conflitos sociais en todo o país- recibiu numerosas mostras de apoio individuais e de colectivos, como por exemplo, a rede A Ría Non Se Vende, que cualificou o xuízo de "farsa" e de "ataque á liberdade de expresión", e salientou o "excelente traballo" de Gzvideos. A sentenza coñecerase en sete días.


4.81/5 (27 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: