Vieiros

O Xacobeo Blusens estréase este sábado na liga ACB, e faino ao grande. Enfrontarase ao FC Barcelona nun partido que comezará ás 20 horas no Pavillón Multiusos Fontes do Sar. As bancadas estarán ateigadas, pois xa se venderon todos os billetes para ver o partido, a pesar do seu prezo, de entre 30 e 50 euros.

Aínda así, ás 18 horas abrirase o despacho de Multiusos para poñer á venda 250 entradas máis, cumprindo coa lexislación. Para que non poida asistir persoalmente, o partido será retransmitido pola televisión: en directo pola 2 de TVE e en diferido, xusto a continuación, pola G2.

O equipo compostelán debuta na ACB, a segunda mellor liga do mundo con toda a ilusión. O Xacobeo aspira a que o colectivo de afeccionados e a cidade se identifiquen co equipo, algo que parece garantido vista a expectación espertada.