Vieiros

Vieiros de meu Perfil


Edición xeral

RSS de Edición xeral
PRESENTADA NO REXISTRO

Mentres, o PP de Folgoso do Courel apoia canda un tránsfuga unha moción de censura

A iniciativa pretende sacar ao socialista Xosé López e poñer na alcaldía á conservadora Dolores Castro. Os concelleiros pediron a súa baixa no PPdeG.

Redacción - 16:57 14/10/2009

Mentres que no Parlamento se estaban a discutir fórmulas para frear o andazo de tránsfugas que percorre o país, en Folgoso do Courel os catro concelleiros cos que conta o PP e un tránsfuga do PSdeG presentaban unha moción de censura contra o alcalde, o socialista Xosé López Fontal.

O martes os edís “populares” presentaron un escrito no rexistro no que sinalaban que abandonaban o grupo e que se pasaban a denominar Alianza polo Courel, aínda que pasen a integrarse dentro dos non adscritos. A previsíbel nova alcaldesa será Dolores Castro Ochoa, que encabezou a candidatura do PP en 2007.

Mentres tanto, nun ambiguo comunicado, o Partido Popular de Lugo anunciou que non pode apoiar a moción de Folgoso do Courel pero que comprende as razóns que levan a optar esta iniciativa.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: