Vieiros

Vieiros de meu Perfil


Edición xeral

RSS de Edición xeral
Informe Ardán 2009

As empresas do país achéganse á media europea no investimento en innovación

Gastan o 2% en I+D+i con respecto ás súas vendas totais, o que as sitúa por riba da media estatal e das empresas que cotizan no IBEX 35.

Redacción / EP - 18:30 28/10/2009

Máis dun terzo das empresas do país investiu en I+D+i no último ano. Segundo o Informe Ardán 2009, publicado pola Zona Franca de Vigo, o 36,75% das compañías galegas investiu en investigación, desenvolvemento e innovación. Ademais, o seu gasto nese capítulo con respecto ao seu volume de vendas foi superior á media estatal.

O informe valora o "esforzo" que supón esta acción, que resulta "determinante" para aumentar a competitividade das empresas. Segundo os datos do estudo anual, a maioría da innovación refírese a novos produtos e a mellorar os procesos de fabricación. O investimento en I+D+i con respecto ás vendas totais nas empresas do país acada o 2%, mentres que o impacto final nos resultados chegou ao 5%.

Esa cifra de gasto chégase ao 2,15% da media da Unión Europea e supera amplamente a media do Estado Español (do 0,9%) e mesmo das empresas que cotizan no índice IBEX 35, do 1,6%. Así, o Ardán 2009 conclúe que as compañías do país están amplamente concienciadas en que a innovación mellora a súa produtividade, malia que "aínda non chegaron" ao nivel dos principais estados europeos.

Dos sete sistemas produtivos en que se divide o estudo, o 73% das empresas incorporaron melloras na súa produtividade. Delas, as que máis se esforzaron en facelo atópanse nos sectores de industria auxiliar, transporte, agroalimentario e madeira.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: