Vieiros

Vieiros de meu Perfil


Edición xeral

RSS de Edición xeral
CONVENIO ENTRE A XUNTA E VUELING

Vigo-Bruxelas, A Coruña-Amsterdam e Santiago-Zúric, novas liñas aéreas a partir de marzo

O Goberno busca un acordo para outras dúas rutas: A Coruña-Valencia e Vigo-Sevilla.

Redacción - 17:47 12/11/2009

O conselleiro de Cultura, Roberto Varela, anunciou ao remate do Consello da Xunta un acordo coa compañía Vueling para que a partir de marzo de 2010 estean en funcionamento conexións aéreas con Bruxelas, Amsterdam e Zúric, dende as terminais de Peinador, Alvedro e Lavacolla, respectivamente. A maiores a Xunta anunciou un concurso para un convenio que posibilite dúas novas conexións co Estado Español: Vigo-Sevilla e A Coruña-Valencia. No caso de Santiago, Varela limitouse a dicir que manterá as conexións actuais con Londres, Roma e Fráncfort

O Goberno tamén anunciou un reparto “equitativo” de 4,5 millóns de euros destinados ao financiamento de convenios de patrocinio publicitario con liñas de baixo custe nos tres aeroportos. O reparto similar busca, segundo a Xunta, que Galiza sexa “destino único” e que ningunha terminal “avantaxe” ás outras.

Así Lavacolla recibirá neste concepto 1,37 millóns (ao que lle haberá que sumar unha partida especial de 500 mil euros polo Xacobeo); Peinador 1,39 millóns; e Alvedro 1,23.


4/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: