Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Do 18 ao 20 de novembro

Un congreso analiza o legado de Ramón Piñeiro

O último evento do Día das Letras Galegas 2009 achegase á figura do intelectual galeguista desde o pensamento, a cultura e a política.

Redacción - 18:10 16/11/2009
Ramón Piñeiro

Ramón Piñeiro

A Real Academia Galega cerra o ano que dedicou o Día das Letras Galegas a Ramón Piñeiro cun congreso no que se debaterá sobre o seu legado en diferentes ámbitos. “Ramón Piñeiro e Galeguismo. Pensamento, cultura e política” celébrase do 18 ao 20 de novembro no Consello da Cultura Galega, en Santiago de Compostela. Coordinado por Francisco Díaz Fierros, e co patriocinio da Consellaría de Cultura e Turismo, no congreso participan algunhas das figuras máis significativas da vida política e cultural galega dos último anos.

A primeira xornada estará dedicada ao pensamento, con relatorios sobre “Lingua e filoloxía” de Antón Santamarina, “Filosofía” por Andrés Torres Queiruga, “Idea de Galicia” por Ramón Maiz e “Piñeiro e o marxismo” por Xesús Alonso Montero. A segunda xornada reflexionará sobre Ramón Piñeiro e a cultura, con conferencias de Henrique Monteagudo sobre “O concepto de cultura en Piñeiro”, Víctor Freixanes sobre “O labor editorial” e Ramón Villares sobre “Relacións culturais co exterior”. Pola tarde haberá un debate coordinado por Basilio Losada no que participarán Marina Mayoral, Xavier Carro e Siro López.

O congreso remata o venres 20, unha xornada dedicada á análise política. Xosé Manoel Núñez Seixas faltará da posguerra, Miguel Barros de “Resistencia cultural”, Xavier Castro de “Relacións co exilio”, Xosé Manuel da Silva pronunciará o relatorio “Proceso e cadea de Ramón Piñeiro: testemuños e documentos inéditos” e Xosé Ramón Quintana falará da transición. O congreso rematará cun debate moderado por Xerardo Fernández Albor, primeiro Presidente da Xunta de Galicia, no que intervirán Camilo Nogueira, Benxamín Casal, Alfredo Conde e Xosé Luís Meilán Gil.


Ligazóns

3/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: