Vieiros

Vieiros de meu Perfil


Edición xeral

RSS de Edición xeral
Asuntos Exteriores

O novo goberno xaponés revela un pacto nuclear secreto cos EUA

O ministro Katsuya Okada encargou unha investigación que parece demostrar que barcos e avións con armas atómicas recalaron no país asiático sen permiso.

Redacción / EP - 13:19 21/11/2009

O Ministerio de Asuntos Exteriores xaponés revelou a existencia dun pacto secreto cos Estados Unidos que lles permitiu aos buques e avións do exército norteamericano con armas nucleares recargar combustíbel no país asiático sen solicitar permiso, informou a axencia estatal Kyodo.

A revelación é froito dunha investigación interna do ministerio, ordenada polo novo máximo responsábel do mesmo, Katsuya Okada. Nese estudo atopáronse documentos que constatarían a existencia dese acordo secreto. "A investigación atópase na súa fase final, e anunciaremos os seus resultados en xaneiro", indicou o ministro, sen dar máis detalles.

O tratado de seguridade entre os dous países asinado en 1960 precisa que Washington ten a obriga de notificar a Toquio da chegada de calquera aparato con armas nucleares. Porén, os documentos achados na investigación indican que o pacto secreto determina o contrario.

Dende a súa chegada á carteira de Exteriores en setembro, Okada ordenou investigar os posíbeis acordos entre o Xapón e os Estados Unidos, dous presuntamente relacionados coa revisión do tratado de seguridade e outros dous sobre a devolución das bases estadounidenses en Okinawa. O anterior goberno, do Partido Democrático Liberal, sempre negou que existise un pacto secreto en materia nuclear, asumindo que, como nunca se lles pedira permiso, nunca entraran armas atómicas no Xapón.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: