Vieiros

Vieiros de meu Perfil


Edición xeral

RSS de Edición xeral
V Festa da Muller

Na escola da vida: a lección das mulleres d'As Encrobas

Música tinguida de recordos esta semana pola parte de Cerdeda, nunha xornada organizada polo Sindicato Labrego Galego.

Redacción - 12:00 26/11/2009

Fermosa xuntanza este mércores no local social de Pontoxo, en Cerceda, onde o Sindicato Labrego Galego aproveitou a convocatoria deste 25 de novembro, Día Internacional para a Eliminación da Violencia contra as Mulleres, para organizar unha xornada especial.

A V Festa das Mulleres na comarca ordense, centrouse así desta volta na lembranza do papel que as mulleres tiveron na loita d'As Encrobas, hai máis de trinta anos. Houbo momentos para a lembranza, protagonizados por veteranas do movemento veciñal que estiveron en primeira liña naquel tempo, e tamén momentos musicais emotivos coa interpretación da "Cantiga das Encrobas", a peza con letra do poeta chairego Manuel María e popularizada musicalmente por Fuxan os Ventos.

Nun cartaz, algunhas das persoas asistentes deixaron a súa pequena homenaxe:  
"Na escola da vida hai leccións fundamentais, como a das mulleres das Encrobas. Grazas de corazón polo voso exemplo de dignidade"

"As mulleres das Encrobas, exemplo de loita, fortaleza e alegría"


4.53/5 (19 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: