Vieiros

Vieiros de meu Perfil


Edición xeral

RSS de Edición xeral
BALONMÁN

Begoña Fernández, a mellor pivote do mundo

A xogadora viguesa do Itxako Navarra foi incluída no sete ideal do Mundial feminino de Balonmán disputado en China.

Redacción - 11:24 21/12/2009
Begoña Fernández xoga co Itxaco Navarra

Begoña Fernández xoga co Itxaco Navarra

O balonmán feminino galego ten un gran referente que se reinventa en cada competición: Begoña Fernández. Concluído o Campionato do Mundo en China, outra vez a xogadora do Itxako Navarra resultou elixida como integrante do equipo ideal do torneo, é dicir, como a mellor pivote do mundo. Se ben o combinado español non foi quen de vencer as norueguesas e quedou cuarto na competición, a viguesa demostrou que segue estando na elite mundial.

Esta aliñación ideal do Mundial quedaría conformada pola rusa Inna Suslina na portería, Marta Mangué (Gran Canaria, 1983) no lateral dereito e Begoña Fernández de pivote; Completan o equipo as francesas Alison Pineau (de central) e Mariama Signate (de lateral esquerdo) e as norueguesas Camilla Herrem (de extremo esqauerdo) e Linn-Kristin Riegelhuth (de extremo dereito).

De Vigo á elite
Con 28 anos, Fernández é o gran referente ofensivo de cada un dos seus equipos. Logo de ser considerada a mellor xogadora no Europeo, o Mundial confirma o seu gran momento. A xogadora combina axilidade e envergadura, cunha importante claridade no lanzamento. As súas calidades complétanse cunha incríbel facilidade para marcar e moito talento.

A viguesa comezou no Balonmán Porriño, de marchou a o Osito L'Eliana, convertendo o que era unha afección na súa profesión. A seguir foi fichada polo Itxako, onde madurou como xogadora. De aquí foi para o Elda para regresar finalmente ao club navarro.


Ligazóns

5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: