Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Cuarta temporada no pelotón internacional

Homenaxe nas Neves ao XGZ horas despois de a UCI lle renovar a licenza

Ao comezo da 'XVII Marcha ciclista Camiño do Requesón', o alcalde do municipio facía entrega dunha placa á equipa profesional galega.

Redacción - 13:00 11/01/2010
Saída da proba (clique para ampliar)

Saída da proba (clique para ampliar)

O Xacobeo Galicia (XGZ) foi homenaxeado no comezo da 'XVII Marcha ciclista Camiño do Requesón', nas Neves (O Condado). Antes da saída da proba en que participaron perto dun milleiro de participantes, a primeira do calendario de bicicleta de montaña no noso país, o alcalde do municipio, Emilio Castro Rodríguez, facía entrega dunha placa aos integrantes da equipa profesional, que recolleu Ezequiel Mosquera.

A partir deste luns e até a vindeira quinta feira, o combinado permanecerá concentrado en Mondariz Balneario. Parte dos corredores regresarán posteriormente á casa e outra desprazarase á Arxentina para iniciar a cuarta temporada consecutiva do XGZ no pelotón internacional, disputando o Tour de San Luis, logo de que a UCI confirmou este venres a renovación da súa licenza internacional.


5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: