Vieiros

Vieiros de meu Perfil


Edición xeral

RSS de Edición xeral
Ataque este martes

Irán acusa os EUA e Israel de asasinar o profesor experto en enerxía nuclear

Massoud Ali-Mohammadi foi un dos pioneiros iranianos neste campo. Mais outras fontes subliñan tamén a súa vinculación co líder opositor Mousavi.

Redacción - 17:25 12/01/2010
Tags: Irán nuclear
Massoud Ali-Mohammadi

Massoud Ali-Mohammadi

Diversas hipóteses abrollan aos medios ao fío do asasinato este martes de Massoud Ali-Mohammadi, un dos principais expertos en enerxía nuclear de Irán. Un voceiro do Ministerio de Asuntos Exteriores do país responsabilizou directamente a Estados Unidos e Israel do ataque con explosivos, até o de agora non reivindicado. "Un acto inhumano perpetrado por axentes sionistas e mercenarios estadounidenses", indicou o portavoz, relacionando o acontecido cunha sabotaxe ao programa atómico do goberno iraniano.

Mais por outro lado tamén se relaciona a este profesor da Universidade de Teherán co movemento próximo ao líder opositor, Musavi, a prol de quen tería asinado recentemente un manifesto xunto con outros docentes universitarios. Un posicionamento especialmente complicado no actual contexto de belixerante enfrontamento entre os partidarios do presidente Ahmadineyad e os reformistas de Musavi. Doutra banda, a cadea árabe Al-Alam introduciu outra explicación ao atentado, responsabilizando da acción a un movemento opositor no exilio,o grupo Muyahidin Jalq (Combatentes do Pobo.

Recomendámoslles ampliar na BBC e en Al Iasira.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: