Vieiros

Vieiros de meu Perfil


Edición xeral

RSS de Edición xeral
Hai que movela outra vez

Que facemos coa estatua de Franco?

Logo de que Defensa ordenase retirar a estatua do ditador do Arsenal Militar, volve a dúbida sobre o que facer co monolito.

Redacción - 09:30 13/01/2010
En xullo de 2002, a estatua do ditador á fin "voou" da entrada de Ferrol

En xullo de 2002, a estatua do ditador á fin "voou" da entrada de Ferrol

En xullo de 2002 a cidade de Ferrol vivía un momento histórico coa retirada da Praza de España da estatua adicada a Francisco Franco. A efixie foi levada ao Arsenal Militar, onde permanece desde aquela. Agora, oito anos despois e amparándose na Lei de Memoria Histórica, o Ministerio de Defensa acaba de ordenar que sexa retirada tamén dese emprazamento.

Ao Concello de Ferrol, que de momento di que non ten constancia oficial do requirimento do ministerio para facerse cargo da peza, corresponderalle decidir o que facer coa efixie do ditador sobre o cabalo. A primeira suxestión chega desde o grupo municipal de Esquerda Unida, que propuxo fundir a estatua, de seis toneladas de peso, e usar o material para crear un monumento en homenaxe ás vítimas do franquismo.

Ao fío, desde Vieiros aproveitamos para lembrar o concurso que organizamos en 2002, baixo o título Que facemos coa estatua de Franco?. Na páxina arquivada poden consultar as principais ideas achegadas polos internautas. Recordámoslles que a proposta gañadora suxería Crear un museo da Guerra Civil en Galiza e depositala alí.


4.91/5 (11 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: