Vieiros

Vieiros de meu Perfil


Máis Alá

Xestionado por Vieiros
RSS de Máis Alá
XIII edición

"Neve", de Lucía Novas, gañadora do premio de poesía Johán Carballeira

O xurado destacou a calidade da obra presentada pola poeta do Morrazo.

Redacción - 12:15 17/01/2010
Lucía Novas / Imaxe: AELG

Lucía Novas / Imaxe: AELG

Reunido o mércores 10 de xaneiro o xurado do XIII premio de poesía Johán Carballeira do Concello de Bueu, resultou gañadora a obra "Neve" de Lucía Novas Garrido.

O xurado, composto por Mario Regueira, Helena de Carlos e Rosa Enríquez, apreciou, segundo consta na acta levantada aos efectos, a capacidade da autora para crear "unha obra orixinal a partir de técnicas compositivas clásicas (acumulación, ausencia de verbos...) e a súa riqueza léxica na configuración dunha nova perspectiva da poesía paisaxística".

Lucía Novas Garrido naceu no outorno de 1979 no propio Concello de Bueu e estudou nos centros públicos desta vila do Morrazo, no Colexio Público de Bueu A Pedra e no instituto Johan Carballeira. Estudiou dous cursos de Tradución e Interpretación e posteriormente licenciouse en Filoloxía Galega na Universidade de Vigo. Viu publicado o seu primeiro libro en 2001, Epiderme de Estío, froito do seu poemario gañador naquela altura do Premio de Poesía do Concello de Carral. Entre outros ten gañado tamén o Premio Universidade de Vigo de poesía e o Faustino Rey Romero.


Ligazóns

4.07/5 (14 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: