Vieiros

Vieiros de meu Perfil


Edición xeral

RSS de Edición xeral
EN MARZO

O teatro volverá á radio

Escollidos os tres finalistas da cuarta edición do Premio de Teatro Radiofónico, promovido polo Diario Cultural da Radio Galega.

Redacción - 12:00 02/02/2010

Un total de 27 obras optaron este ano ao premio de Teatro Radiofónico, organizado polo programa Diario Cultural da Radio Galega e o Centro Dramático Galego (CDG), co patrocinio da Axencia Galega de Industrias Culturais (AGADIC). Así, na súa cuarta edición, o certame volveu amosar o interese que esperta a dramatización radiofónica e cumpre os seus obxectivos: fomentar a escrita de textos dramáticos para a radio, facilitar o diálogo entre a dramaturxia contemporánea e o medio radiofónico e contribuír á recuperación do xénero dende unha perspectiva contemporánea.

Os tres finalistas son as obras presentadas baixo os lemas O vento da illa, Nunca me esquecerei de ti e Indoor. Agora, estes textos serán dramatizados por un equipo de actores e actrices coordinado polo Centro Dramático, baixo a dirección de Ánxeles Cuña, e serán emitidas na Radio Galega ao longo do vindeiro mes de marzo.

O xurado do Premio estivo integrado por Rubén Ruibal, Ánxeles Cuña, María Paredes, Camilo Franco e Ana Romaní. Logo da súa emisión, darase a coñecer o Premio do Xurado e o Premio da Audiencia, dotados ambos con tres mil euros.


Ligazóns

5/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: