Vieiros

Vieiros de meu Perfil


Edición xeral

RSS de Edición xeral
ATÉ 48 EQUIPOS

Xuventude propón unha liga de debate entre a mocidade co 'Parlamento Xove'

Alumnado de cuarto de ESO e mais Bacharelato deberá debater, na primeira edición do programa, arredor das redes sociais.

Redacción - 18:45 08/02/2010

A Dirección Xeral de Xuventude e Voluntariado puxo en marcha o programa Parlamento Xove, dirixido a fomentar entre a mocidade a capacidade de argumentación ou a expresión escrita, entre outras destrezas. Está destinado ao alumnado de cuarto curso da ESO e do Bacharelato.

En resumo, será unha competición de debate para un máximo de 48 equipos, que deberán argumentar arredor dun determinado tema. Nesta edición será 'O uso de redes sociais e novas formas de comunicación entre os adolescentes: une ou separa?'.

Mais, a imaxe que publican como punto de partida para comezar a debater arredor das redes sociais, non se adapta demasiado á realidade galega. A clasificación de webs 2.0 que achega, ademais de estar en castelán, ignora redes do país como Chuza, Cabozo ou Blogaliza e menciona outras non moi estendidas en Galiza.

Mecánica
A primeira fase, clasificatoria, consistirá en elaborar dous artigos para a súa publicación na web e un monográfico de investigación. Na fase final, os oito equipos mellor valorados participarán en debates de eliminación directa.

Durante os primeiros 15 días de febreiro está aberto o prazo de inscrición, con 12 equipos por provincia que se escollerán por orde de solicitude. Cada centro educativo poderá inscribir dous equipos, do que o segundo irá directamente a unha lista de espera.


1.67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: