Vieiros

Vieiros de meu Perfil


Edición xeral

RSS de Edición xeral
53 votos a favor

Haberá referendo en Gales

Finalmente, a Asemblea Nacional aprobou consultar a cidadanía se quere que o país aumente as súas competencias.

Redacción - 10:55 10/02/2010
Plenario da Asemblea Nacional

Plenario da Asemblea Nacional

Os membros da Asemblea Nacional de Gales aprobaron finalmente a proposta de organizar un referendo antes das vindeiras eleccións (en 2011) para que o pobo decida se quere ou non que o país asuma maiores competencias para lexislar.

A iniciativa, unha das cuestións claves negociadas polo Partido Laborista e o Plaid Cymru no acordo de goberno bipartito, contou cos votos a favor dos 53 deputados presentes este martes na Cámara -que conta cun total de 60.

O presidente da Asemblea, Dafydd Elis Thomas, afirmou que era "un día histórico no camiño da transferencia de competencias a Gales".

Maioría do electorado, a favor
O 'vicepresidente' do Goberno, o nacionalista Ieuan Wyn Jones, dixo que o "pobo de Gales cre que a Asemblea debe ser a que tome a maior parte das decisións que afectan as súas vidas diarias".

Segundo unha recente enquisa, informan os medios locais, máis da metade dos votantes estarían a favor de ter máis competencias fronte a un 30% que estarían en contra.


Anterior:


Máis información:


5/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: