Vieiros

Vieiros de meu Perfil


Edición xeral

RSS de Edición xeral
Publicación en liña de pensamento nacionalista

A revista Terra e Tempo faise dixital

En 2010 cúmprense 45 anos do seu primeiro número, e Terra e Tempo aproveita para estrear unha nova versión en liña do proxecto.

Redacción - 11:35 02/03/2010

Á revista en papel pasarán desde agora os traballos de maior extensión e profundidade analítica, segundo anuncian. E máis ao pé da actualidade, o Terra e Tempo dixital fornecerá con maior periodicidade de opinión e análise ao respecto do país.

O Terra e Tempo está editado pola Fundación Bautista Álvarez de Estudos Nacionalistas, entidade constituída en 2004 a iniciativa da Unión do Povo Galego (UPG). Entre os seus obxectivos, a Fundación ten a promoción da recuperación de toda aquela documentación que constitúa elemento de identidade do movemento nacionalista galego, especialmente na segunda metade do século. E tamén inclúe a meta difusión entre a cidadanía dos estudos sobre a realidade da nación galega e a súa sociedade que contribúan a un mellor coñecemento da realidade da Galiza e do mundo.

A web estruturase en cinco seccións (Galiza, Lingua e Cultura, Economía e Traballo, Sociedade e Internacional). Entre as reflexións que aparecen en portada nestes primeiros pasos da publicación na rede están o artigo 'O goberno dos ausentes', de Pablo Carracedo, onde se avalía criticamente o labor da Consellaría de Educación e 'Feijoo09-Galiza 0', de Martiño Santos, que analiza a traxectoria da Xunta neste primeiro aniversario da vitoria do PP nas urnas.


4.2/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: