Vieiros

Vieiros de meu Perfil


Edición xeral

RSS de Edición xeral
POR UN ACTO CELEBRADO EN 2005

Condenan a dous anos de cadea a Arnaldo Otegi por enaltecemento do terrorismo

A Audiencia Nacional imponlle 16 anos de inhabilitación absoluta, o que podería rematar definitivamente coa súa carreira política.

Redacción - 13:19 02/03/2010
Tags: cadea Otegi

A xustiza española considera que Arnaldo Otegi enalteceu en 2005 a ETA durante unha homenaxe a José María Sagardui, preso de esta organización armada. O noutrora líder da esquerda independentista vasca foi condenado pola Audiencia Nacional a dous anos de cadea por este delito e a outros 16 de inhabilitación asboluta. Isto impediríalle a Otegi presentarse a ningún comicio até o 2026, o que significa na práctica a fin da súa carreira política.

Otegi permanece en prisión provisional dende hai preto de cinco meses. O xuíz Baltasar Garzón coida que o líder independentista estaba intentando reconstruir a dirección de Batasuna de xeito coordinado con ETA.

A condena chega cando dentro do mundo do independentismo vasco se está a dar un importante debate sobre a necesidade de abandonar a violencia política. Otegi, canda o histórico dirixente de LAB Díez Usabiaga, tamén preso, aposta pola necesidade de que ETA deixe as armas e que se lle dea prioridade á vía política.


1/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: