Vieiros

Vieiros de meu Perfil


Galego.org

Xestionado por Vieiros
RSS de Galego.org
XX edición, este venres e sábado

Actualización e intercambio de coñecementos nas Xornadas de Lingua e Literatura da CIG-Ensino e AS-PG

Máis de 20 escritores, críticos literarios, profesores ou investigadores participarán en 10 seminarios, conferencias e debates.

Redacción - 09:20 07/04/2010

A Facultade de Ciencias da Educación da USC, en Compostela, acollerá este venres pola tarde e toda a xornada do sábado as XX Xornadas de Lingua e Literatura, organizadas pola Confederación Intersindical Galega do Ensino (CIG-Ensino) e a Asociación Socio-Pedagóxica Galega (AS-PG).

Na edición deste ano, máis de 20 escritores, críticos literarios, profesores e investigadores, entre outros asistentes, participarán en 10 seminarios, conferencias e debates sobre lingua, literatura e sociolingüística ao longo dos dous días.

O obxectivo das xornadas, que cada ano contan cun importante número de participantes, na súa maioría profesorado de Lingua e Literatura Galega, é a actualización e formación dos docentes no campo das nosas letras, profundar na galeguización do ensino e coñecer as últimas investigacións, traballos e estudos así como propostas prácticas para aplicar nas aulas.

Ademais, serven de lugar de encontro do profesorado e dos escritores, onde tamén se expoñen as últimas novidades editoriais galegas e os autores/as poderán asinar as súas obras. Segundo informan desde a organización, está solicitada a homologación á Consellaría de Educación por 11 horas.


4.2/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: