Vieiros

"Non sempre é doado facer esa presentación de catalanidade", reflexionaba este mércores Jordi Pujol, ex presidente da Generalitat, durante unha conversa co prestixioso cociñeiro Ferrán Adriá baixo o tema "creatividade e proxección internacional" organizada polo propio Centre d’Estudis Jordi Pujol.

Revelou o ex presidente de Cataluña que cidadáns daquel país que acadaron prestixio internacional en diversas áreas son ás veces vítima de "presións" para non expresar en público a súa orixe catalá diante do mundo. Censurou Pujol que esa presión é exercida por institucións como o goberno español e a Casa Real española. "En máis dunha ocasión, e non direi nomes, sobre todo no mundo do deporte, díxose claramente: 'oia, se vostede fai moitas demostracións de catalanidade esa bolsa que ten ou ese patrocinio váiselle retirar", reprochou.

Para ampliar:

• El Periódico: Pujol acusa a Coroa de intentar coartar as mostras de catalanidade
• La Vanguardia: Pujol lamenta as presións de goberno e Casa Real para difuminar a catalanidade