Vieiros

A axencia de cualificación de créditos Standard & Poor's rebaixou este mércores o 'rating' da débeda do Estado Español a longo prazo. O descenso da nota foi dun punto, dende o AA+ até o AA, cunha perspectiva 'negativa', o que deixa aberta a posibilidade de diminuír aínda máis a cualificación a medio prazo. Exactamente a mesma cualificación foi a que recibiu a emisión de débeda de tres mil millóns de euros do Fondo de Reestruturación Ordenada Bancaria.

A vicepresidenta primeira do goberno español, María Teresa Fernández de la Vega, quíxolles enviar unha mensaxe de "confianza" á cidadanía e de "tranquilidade" aos mercados e asegurou que o executivo está a facer "ben" os deberes e actuando "con rigor".

S&P xa reducira o martes a cualificación da débeda de Grecia, até a categoría de 'bonos lixo', e de Portugal, en dous chanzos. Nos dous casos, a perspectiva amosábase 'negativa'.