Vieiros

Vieiros de meu Perfil


Edición xeral

RSS de Edición xeral
ESTE MARTES NA CORUÑA

Rafael Cuíña: Como é o galeguismo do século XXI?

O empresario e colaborador de Vieiros participa nunha palestra organizada pola Asociación Cultural O Facho, no seu ciclo Lingua, literatura e nación.

Redacción - 12:30 31/05/2010

“O galeguismo na encrucillada do século XXI”. Este é o título da conferencia que impartirá este martes 1 de xuño o empresario lalinense e colaborador de Vieiros Rafael Cuíña. O acto, que comezará as 20 horas na sede da Fundación Caixa Galicia (A Coruña), está organizado pola Asociación Cultural O Facho, no seu ciclo Lingua, literatura e nación. Súmase así a outros conferenciantes como Xosé Luís Méndez Ferrín (presidente da Real Academia Galega) ou Mauricio Castro (portavoz nacional de Nós-Up), que participaron nas palestras dos últimos meses.

A presentación de Cuíña correrá a cargo do ex-deputado e senador socialista Xosé Luís Rodríguez Pardo. O empresario é membro da directiva do Instituto Galego de Estudos Europeos e Autonómicos (IGEA) e colabora como articulista en Vieiros e noutros medios do país. O Facho subliña na súa presentación o seu “nidio posicionamento na defensa da Lingua e da Cultura galega”.


4.31/5 (32 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: