Vieiros

Vieiros de meu Perfil


Edición xeral

RSS de Edición xeral
'O mellor' gaña as eleccións en Reykjavík

No medio da crise financeira os islandeses votan masivamente un humorista

O lema da formación: "Podemos prometer máis que os demais, xa que en ningún caso o cumpriremos".

Redacción - 11:35 31/05/2010
Reykjavík / Imaxe: Galipedia

Reykjavík / Imaxe: Galipedia

Aínda non fumegaba o volcán pero si apertaba a crise económica e financeira no país cando no escenario político islandés abrollou a formación bautizada 'O Mellor Partido de Islandia'. Cun cómico local á fronte, Jon Gnarr, viñan facendo campaña desde aquela baixo a banda sonora do tema 'Simply the best', de Tina Turnes.

A mensaxe da formación, que combinou a chanza coa denuncia aos políticos tradicionais e ao gremio dos banqueiros por teren arruinado a economía islandesa, callou forte entre a cidadanía. Un dos lemas: "Podemos prometer máis que os demais, xa que en ningún caso o cumpriremos". Xustamente, entre as brincadeiras prometidas: chantar unha delegación de Disneyland onde agora está o aeroporto. Os electores concedéronlle esta fin de semana a maioría dos votos nas eleccións municipais da capital do país, Reykjavík, un total de 34,7% de apoios e seis concelleiros sobre o total de 15.


5/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: