Vieiros

A abstención das formacións de centro-dereita presentes no Congreso van permitir que a tramitación parlamentaria por vía de urxencia da reforma laboral saïa adiante. PP, CiU e PNV permitirán que os votos do PSOE sexan abondo para que o novo texto entre en vigor en breve. Logo da votación desta tarde, comezará unha serie de contactos entre os grupos parlamentarios para ver de incorporar emendas ao texto definitivo. Forzas de esquerda como IU ou o BNG xa anunciaron que rexeitarán a proposta.

Mais aínda que o vento sopra a prol dos plans do goberno español, dentro do PSOE hai certa incomodidade coa nova proposta laboral. O posicionamento público máis significativo é o do deputado socialista Antonio Gutiérrez. O que fora secretario xeral de Comisións Obreiras xa anunciou que non votará a favor do texto que propón o goberno e así llo fixo saber xa ao seu coordinador de grupo. A única dúbida é se Gutiérrez vai optar pola abstención ou se se decanta por un voto negativo.

• Artigo de Antonio Guitiérrez en El País: Será máis fácil despedir que flexibilizar
• O goberno español admite que a reforma laboral non vai ser a panacea