Vieiros

Vieiros de meu Perfil


Edición xeral

RSS de Edición xeral
Iniciativa parlamentaria do PSdeG

Na procura do Estatuto, "nin un minuto máis de espera"

Os socialistas reclámanlle ao PP "exame de conciencia" e "acto de contrición" polos atrancos a unha reforma "clave" para Galiza.

Redacción - 13:45 08/07/2010
Vázquez e Caamaño presentaron a pasada fin de semana o documento que recupera a fórmula 'Nazón de Breogán'

Vázquez e Caamaño presentaron a pasada fin de semana o documento que recupera a fórmula 'Nazón de Breogán'

"Non podemos esperar nin un minuto máis para acadar un acordo que nos dote dos instrumentos cos que xa contan outra comunidades autónomas". A advertencia fíxoa esta quinta feira o voceiro parlamentario do PSdeG, Xaquín Fernández Leiceaga. Anunciaban así os socialistas que rexistran no Parlamento unha iniciativa baseada nos artigos 128 e 126 do regulamento da Cámara onde solicitan que a Mesa do Parlamento, de acordo coa xunta de portavoces, inicie o proceso para a reforma do Estatuto.

Insistiu o portavoz socialista en que Galiza "leva moitos anos de atraso" neste desafío e avaliou que tanto para combater a crise económica como para estabelecer novos dereitos dos cidadáns é urxente acometer esta reforma estatutaria. Hai poucos días o PSdeG xa presentou o seu documento base a xeito de proposta para negociar a reforma co resto dos grupos parlamentarios.

Ao respecto, Fernández Leiceaga censurou a actitude do PPdeG e do seu líder e presidente da Xunta, Alberto Núñez Feijoo, fronte a esta necesidade clave para o país. "O único responsábel do fracaso da reforma do Estatuto, na pasada lexislatura, foi o Partido Popular", lembrou, reclamando que o PP faga un "exame de conciencia e un acto de contrición para poder levar adiante esta reforma".


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: