Vieiros

Vieiros de meu Perfil


Edición xeral

RSS de Edición xeral
Privatizacións en curso

"Ninguneo" ao sector público mentres se entregan servizos á empresa privada

Delegados sindicais concéntranse diante do despacho da conselleira de Traballo un mes despois de terlle solicitado unha reunión para debater diversos conflitos.

Redacción - 11:10 12/07/2010
Beatriz Mato, conselleira de Traballo e Benestar

Beatriz Mato, conselleira de Traballo e Benestar

A saída á luz do anteproxecto da Lei de Organización e Funcionamento da Administración Xeral e o Sector Público de Galicia (LOFAXGA) marcou o punto álxido nas últimas semanas do conflito creado pola estratexia do actual Goberno ao respecto dos servizos públicos. Unha estratexia que, para a CIG-Autonómica, ten que ver coa "plasmación no papel do ideario político do PP".

"Fomenta un sistema perverso en que a administración vai quedar reducida á súa mínima expresión rodeada dun cinto de entidades sen control que van ir penetrando pouco a pouco", indicaban. Unha tendencia que xa ten en datas recentes diversos exemplos prácticos, entre outros, a porta aberta á empresa privada nos centros públicos que na actualidade prestan servizo de residencia para a terceira idade.

Reclamando, "sen éxito", explicacións da Xunta
Neste escenario, a CIG solicitou xa o pasado 17 de xuño unha reunión coa conselleira de Traballo e Benestar, Beatriz Mato, para que explique as súas pretensións e en que se basea para privatizar uns servizos "que son esenciais para a atención aos maiores e que supoñen unha garantía de prestacións de calidade e atención aos usuarios".

A actitude da Xunta diante desta reclamación é, láiase a CIG-Autonómica, de "total desprezo e ninguneo". Repróchanlle á consellaría que faga declaracións á prensa e na web da Xunta respecto dos plans da axencia de benestar mentres lle dá as costas aos propios traballadores. "Esixímoslle á Xunta a paralización deste proxecto de privatizacións das residencias de maiores e unha maior dotación de prazas para asistidos e a defensa dos servizos públicos tal e como é obriga da máxima responsábel deste departamento", subliñan.

Por este motivo, desde as 11horas deste luns, un grupo de delegadas e delegados da CIG estarán concentrados diante do despacho da conselleira. "Até que nos reciba", advirten, para dar explicacións sobre esta privatización de servizos.


4,14/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: